Snoep en Fruit

11 november is de dag, dat ik altied snoepkes snaaien mag. t Ging op e
legere schoel altied zo, dat je op een mörgen met de heule klas
lampionnen ging vouwen. Elk ain har den dezulfde lampion. Je vuulden
je altied net ain kuddedier. Doarom gingen we middags met moeke of
pabbe een lampion moaken. Nou joa, zulf?EUR? Je zaten er wat bie te
kieken, hoe het veur ons moakt werd. Die aovend gingen we de stroat
op. Of je warren allent, of je ging met een hiele bende, op paad noar
de slikkerij.

Deur t lampion lopen binnen je echt kerels worden. Elk joar, met of
zunder regen liepen wij deur de stroaten. Onweer, hagel, störtbuien, t
moakte ons niks uut. We hadden ook wat verzoamelpunten. As je bie t
huus van die of die warren, dan werd doar de tas leegd. Mor, hai hai,
wat hadden wij een hekel oan die schimmige olle luu die ien e kop
kreegen harren om fruit uut de delen. Dan kreeg je vaaier mandarijnen
met schimmelplakken en dan zeeden ze: ?EUR~?EURTMKiek, jim binnen zo schier,
nem nog moar n poar met!?EURTM?EURTM Oeh, en je konnen moeilijk nee zeggen. Wat
hadden we dan de smoor ien. Ik wiet nog wel van een wichtje poar joar
verleden. Ze was verkleed as knien. Ze har wel vief wortels kreegen,
omdat ?EUR~dat zo mooi bie der kostuum pastte.?EURTM Bie der kostuum. Je geven
een brandweerman toch ok gien fles wotter of n boer een pak hooi.
Noast dizze negatieve zoaken hebben we veural mooie herinnerens aan
Sint Meerten. Zo kregen we bie een nust huuzen een snackje. Ain
frikadeltje of n knakworstje. Doar kon je altied wel van genieten. Ain
van ons groepke stopte ze ok altied in zien tas. Die vrat ze thuus pas
op. Voak harren we ons eigen repertoire oan muziek. ?EUR~?EURTMTuut, tuut,
tuut, gooi mor ien mien puut,?EURTM?EURTM voak namen we ok buutenlandse liedjes
over zoals: ?EUR~?EURTMTrick of threat.?EURTM?EURTM Bie de leste was t mor ain zin en kon
je snel weer verder lopen.

Noa n geweldige oavend werd thuus de opbrengst bekeken. Alle
mandarijnen en ander spul werd opziet lijt veur pabbe of moeke.
Wekenlaang werden der snoepkes metnommen noar schoel. Elke pauze
werden er weer n stuk of vaaier opkauwd. Net zo lang tot t opwas. Sint
Meerten stond ok veur delen. En dat deden we ok wel, fruit ging immers
noar anderen. Nou, joaren loater, stoa ik zulf bie de deur om snoepkes
uut de delen. En, nee, gien fruit!

 Jan Medema & Lammert Jan Broekema